An distro-skol
D’ar vakañsoù e lâran kenavo,
met plijadur e-leizh a vo !
Asambles gant ar skolaerez hag ar skolaer
e tremenimp devezhioù kaer !
Distro-skol laouen d’an holl !
Deomp, deomp ‘barzh ar c’hoad !
Ar wezenn avaloù
E-kreiz al liorzh, ur wezenn avaloù
A gont hec’h istor d’ar vugaligoù :
Diwar ar gwrizioù ’sav ar c’harenn
Diwar ar c’harenn ’tispak brankoù
Diwar ar brankoù ’astenn skourroù
Diwar ar skourroù ’tarzh ar broñsoù
Diwar ar broñsoù ’tispak ar bleunioù
Diwar ar bleunioù ’vez avaloù
Ha diwar avaloù ’vez poan-gof a-wechoù !
Kistin
Kistin, kistin,
Deuit ganin !
Met arabat flemmañ ma daoulin !
Mouar, mouar,
Deuit ganin !
Met arabat flemmañ ma daouarn !
Togoù-tousog, togoù-tousog,
Deuit ganin !
Met arabat deviñ va stomog !
Châtaignes, châtaignes,Venez avez moi mais interdiction de me piquer les genoux! Mûres, mûres, venez avec moi mais interdiction de me piquer les mains! Champignons, champignons, venez avec moi mais interdiction de me brûler l’estomac!
Koad Keryann
Pegen plijus eo al liorzh
Pegen plijus eo c’hoari
E-barzh ar geot, e-barzh ar pri,
Debriñ legumaj pe frouezh
Ha pignat gant ar gwez.
Pegen plijus eo labourat,
E-barzh ar jardin, e-barzh ar prad,
Plantañ avaloù-douar pe pour,
Ha c’hoari gant an dour.
Pegen plijus eo kousket
E-touez ar bleunioù o deus kresket
Klevout c’hwezh vat ur rozenn
Ha sellet ouzh ur valafenn.
Deus amañ !
Deus amañ, aval fresk,
Deus dousik e ma dorn.
Deus amañ, aval fresk,
Da voud poazhet er forn.
Deus amañ, perenn vras,
Deus dousik ganin-me.
Deus amañ, perenn vras,
Da voud ma merenn-me.
Deus amañ, prunenn c’hlas,
Deus dousik em faner.
Deus amañ, prunenn c’hlas,
Koñfitur ’vo er gêr.
Deus amañ, pechenn zous,
Deus dousik e ma beg.
Deus amañ, pechenn zous.
Dav eo bout kalonek !
Viens ici, pomme fraîche, Viens doucement dans ma main.
Viens ici, pomme fraîche, pour être cuite au four.
Viens ici, grosse poire,
Viens avec moi doucement. Viens ici, grosse poire,
pour devenir mon déjeuner.
Viens ici, prune bleue, Viens doucement dans mon panier.
Viens ici, prune bleue, il y aura de la confiture à la maison!
Viens ici, douce pêche,
Viens doucement dans ma bouche. Viens ici, douce pêche.
Il faut être courageuse!